Parlamenti i Maqedonisë ka miratuar rezolutën për angazhimet e vendit drejt integrimit në strukturat euroatlantike. Ivica Bocevski, zevendëskryeministër i ngarkuar për çështjet e integrimit vlerëson se Maqedonia gjatë vitit të ardhshëm do të marrë datën për fillimin e negociatave për anëtarësim në BE.Parlamenti i Maqedonisë miratoi me konsensus të plotë rezolutën për prioritetet e Maqedonisë në vitin 2009 për anëtarësimin në Bashkim Evropian. Deputetët e mazhorancës dhe opozitës u pajtuan se raporti i Komisionit Evropian për Maqedoninë është real. Zëvendëskryeministri Ivica Bocevski thote se Qeveria eshte e fokusuar në përmbushjen e kritereve për të marrë një datë për fillimin e negociatave për anëtarësim në BE. Ai theksoi se zgjedhjet e marsit të vitit të ardhshëm janë kushti kryesor dhe më i rëndësishëm që kërkohet nga Brukseli.
Nuk ka komente:
Posto një koment