Shanset e anëtarësimit të Kosovës në organizatat ndërkombëtare

Qeveria e Kosovës synon që brenda këtij viti të anëtarësohet në ato organizata ndërkombëtare, ku nuk kërkohet konsensus politik.

Autoritetet në Prishtinë janë të mendimit se brenda këtij viti Kosova do të aplikojë për anëtarësim në Fondin Monetar Ndërkombëtar dhe në Bankën Botërore. Në këtë fazë vështirësi për anëtarësimin do të ketë në ato organizata ndërkombëtare ku kërkohet konsensus politik ndërkombëtar. Për këtë arsye, qeveria e Kosovës ka vendosur që fillimisht të aplikojë për anëtarësim në Fondin Monetar Ndërkombëtar dhe në Bankën botërore sepse në këto dy mekanizma financiare shtetet që tashmë kanë njohur pavarësinë e Kosovës janë me ndikim dhe nuk kërkohet koncensus politik.